Mga kalye na lunopan panahon sa high tide sama sa Nueva extension, P. Reyes extension iduyod ni Brgy. Taft Kapitan Pablo “Onyot” Bonono Jr. Ngadto sa kay city Mayor Ernesto “Estong” Matugas Jr. Sanan sa city development council.
Sumala pa ni Kapitan Pablo Onyot Bonono Jr. na jaon nay nakagahin sa kagamhanan sa syudad na supplemental budget para sa pag-elevate sa P. Reyes extension.
An Nueva Extension taghangyo sa Kapitan na tan-awon pagbalik sa City Engineering Office an ila tag-repair sa una human kini nabuak sa linog niadtong 2017 apan an pagkasemento ubos gihapon ug malapawan gihapon sa dagat kon arang kalayom an taub sa dagat.
Samtang an highway sa tumoy ni Pinsoy dapit sa Punta Bilang Bilang na nasugat sa pasaka na dayan pasingod sa “Nueva Basin” lakip nalapawan panahon sa highest tide o sa panahon nga matag katapusan na mga adlaw sa buyan nan Hunyo. (RPN DXKS Surigao, photo courtesy by Atty. Jerry Centro)