Bisan pa sa giatubang karon nga pandemya ang buhatan sa Provincial Youth and Development Office (PYDO) wala nihunong sa paghatag og mga programa nga kaayohan ang hatod ngadto sa mga kabatan-onan.
Sa pagpangulo ni PYDO Head Allyn A. Penalosa katambayayong ang Sangguniang Kabataan Federated President Kerwin Soldevilla kanunay nilang gisiguro nga ang mga kabatan-onan sa Misamis Oriental padayong makadawat og mga mahinungdanon nga kalihokan pinaagi sa lain-laing online platforms.
Adunay mga regular meeting ug updates via zoom, pag responde sa covid-19 lakip niini ang paglunsad og face shield making sa tibuok probinsya alang sa mga frontliners ug pangpanghatag sa uban pang hygiene kits kanila.
Lakip sa mga kalihokan ang mga online contests nga bisan stay at home ang mga kabatan-onan mapakita nila ang ilang talento diha sa online sama sa digital poster making contest ug uban pa.
Tuig 2020 usa ka dakong kalamposan ang gihimo sa PYDO dihang ilang gipahigayon ang Linggo ng Kabataan o online youth jam nga gipahigayon pinaagi sa online.
Lakip sa padayong gihimo sa buhatan ang  mandatory ug continuing training sa SK Officials ug LYDC members, pakigkoordinar sa  NYC kalabot sa mga programa sa kabatan-onan sulod sa ilang hurisdiksyon ug ang pag monitor sa mga implementasyon sa PYDP lakip ang pagkolekta sa periodic reports gikan sa SK councils alang sa records ug submissions sa NYC.
Ubay-ubay sab ka mga eskwelahan ug mga munisipyo ang napahigayunan kauban ang PHO og DRAMHYD kon Drug Addiction, Mental Health and Youth Development, series sa #truelovewins symposiums nga naka pokus sa Adolescent Sexual and Reproductive Health Talks.
Lakip sa gi-implementar sa PYDO mao ang pagbatok sa mga problema/issues kon diin ilang gilunsad ang #SKeyToPeace (Boot Camp) katimbayayong ang Xavier University alang sa K.K.D.A.T (Kabataan Kontra Droga at Terorismo) uban ang Philippine National Police sa Misamis Oriental.
Mobalor sab sa P95,000 ang nahatag sa buhatan ngadto sa lain-laing Youth-Led Organization sa niaging tuig samtang 132 ka mga aplikante nga iskolars sa Philippine Science Higschool ug sa IKNB ang natabangan ug nagiyahan sa PYDO.
Padayon ang PYDO sa pagpaningkamot karon panahona nga mahatod ang serbisyo ug programa ngadto sa kabatan-onan labina kamandoan kanunay ni Gobernador Bambi Emano nga ang mga kabataan lakip sa dili pasagdan ning panahon nga giatubang ang hagit sa pandemya. (PYDO-MisOr)