Gipasidunggan sa Department of Labor and Employment (DOLE) Misamis Oriental Provincial Field Office (Mis. Or PFO) ug mga kauban ang mga Filipino Veterans sa paghandum karong tuiga sa 81st Araw ng Kagitingan (Day of Valor) sa Bonifacio Monument Park Plaza, Divisoria, ning dakbayan. Abril 10, 2023.
Ang tema karong tuiga, “Kaagitingan ng mga Beterano, Pundasyon ng Nagkakaisang Pilipino.” tumong sa paghinumdom ug pagpasidungog sa mga beterano, sundalo, ug tanang mga pilipino kansang mga sakripisyo ug gugma sa atong nasod nahimong pundasyon sa kagawasan sa nasod.
Subay sa Proclamation No. 466, s. 1989, ang nasud nagsaulog sa Philippine Veterans Week gikan Abril 5 ngadto sa 11 sa matag tuig aron sa pagpalambo, pagpreserba, ug paghandum sa mga prinsipyo, ideya, ug mga buhat sa mga beterano sa gubat isip usa ka paagi sa pagpalambo sa patriyotismo ug gugma sa nasud, ilabi na sa mga kabatan-onan sa yuta Samtang, ang Abril 9 sa matag tuig gitakda sa Executive Order No. 203, s. 1987 isip Araw ng kagitingan. (Cheleste Simene, photo courtesy of CIO CDO)