Cebu City – Nahimo nang Tradisyon sa Easter Sunday o Domingo sa Pagka banhaw mao ang pagpangaligo sa mga beaches sa pipila ka mga lugar nga maoy sagad dagsaon sa mga beach-goers.
Karong adlawa, Abril 4, 2021, gibisita sa DYKC Cebu News Team ang Bantayan Bay, sa Poblacion, Cordova, Cebu.
Gi-monitor sab ang sitwasyon sa Syudad sa Talisay, Dakbayan sa Lapu-Lapu ug ubang lugar sa lalawigan sa Sugbo.
Bantayan Bay, Cordova Cebu
Pasado alas 6 pa lang sa buntag, nagsugod na ug linya ang padung mosud sa pampublikong kaliogo-anan sa Bantayan Bay, Poblacion, Cordova Cebu.
Sa maong lugar, gilimitahan lang sa Local Government Unit (LGU) sa Cordova ug 350 ka tawo, apil na ang bata ug dagko nga mosud.
Sa higayon nga mo-abot na sa limit, ila unang ipahunong ang pagpasud, ug balik na sab nga pasudlan kon dunay mang gawas nga mo-uli.
Sa entrada sa Bantayan Bay, Cordova, dunay gipatuman ang LGU.
Mga dili angay dalhon ug buhatonÂ
- Dili bitayan og mga butang o kapyutan ang mangroves.
- Dili magpataka og labay sa dagat, dad-a pagbalik ang inyong basura.
- Ibutang ang mga pagkaon sa plastic o kaldero.
- 4.Kon magdala og softdrinks, dili pwede kon maboak ang botelya.
- 5.Dili pwede magdala og makahubo nga ilomnon.
Sa mga mosud dunay entrance fee nga tag ₱ 10 sa taga lungsod sa Cordova, samtang tag ₱ 20 sa taga gawas sa maong lungsod.
Talisay City
Sa Syudad sa Talisay, gipakatap ang mga sakop sa Youth Quick Response Team aron sa pag monitor sa activities sa mga beach sa Barangay Cansojong ug Pooc Talisay ug sa pag siguro nga masunod ang health protocols.
Lapu-Lapu Hotel and Resorts
Samtang sa dakbayan sa Lapu-Lapu, gibutyag ni Mayor Chan nga mipahigayon ug mga checkpoints ang mga kapolisan sa mga dan padung sa mga beaches pagsiguro nga ang mga mangligoay sa public and private beaches nisunod sa panawagan nga 50% lang ang kapasidad sa mga makaligo.
“No one will be allowed at beaches in Lapu-Lapu City, Cebu this Holy Week unless visitors have booked at resorts and hotels ahead,” unod sa Executive Order ni Mayor Chan.
Paagi kini sa syudad aron masiguro ug masunod ang health and safety sa tanan, ang matag beach-goer kinahanglang dunay prior ug confirmed bookings sa hotel o resorts.
Ubang mga lugar
Duna say mipili sa mga mas layo ug exclusive nga lugar sama sa Malapascua sa Norte sa Sugbo, Isla sa Bantayan ug sa Kintartan sa Santa Fe , Tulang Diot sa Camotes ug uban pang mga lugar sa lalawigan sa Sugbo nga naila sa ka puti ug pino nga mga bas nga anha sab makita sa South nga bahin sa lalawigan.
(Jhon Tadlip/JTY)
(Sources: Lapu-Lapu City Public Information Office | Cordovoa LGU | Talisay City Public Information Office, photo courtesy of Barangay Pooc, City of Talisay)