SI konsehal Suzette Magtajas-Daba, chairman sa komite sa edukasyon, kusganong mipahibalo sa katawhan sa dakbayan nga ang Cagayan de Oro Technical Vocational Institute (CDO-TVI) padayon nga nagdawat sa mga enrollees alang sa school year 2021.
Lakip sa mga gitanyag nga mugbong kurso mao ang Carpentry NC II, Electrical Installation & Maintenance NCII, Housekeeping NCII, Shielded Metal Arc Welding NCI & NCII ug Plumbing NCI & NCII.
Si konsehal Suzette mipasabot nga kini nga mga programa mas gihatagan og prayoridad ang mga aplikante nga walay trabaho sa kasamtangan o’ mga Out-of-School Youth (OSY) sa tinguha nga ilang makab-ot ang dugang kaarangan sa kinabuhi.
Ang pagrehistro pinaagi sa online registration sa http://cdotvi-application.
Niini, si konsehal Suzette miaghat sa kabatan-onan nga magpahimulos sa programa kay libre kini nga gihatag alang sa dugang kalamboan sa tanan. (SP)