Cebu City – Gibuksan karong adlawa, Domingo, Agosto 8, 2021, ang “Mega Stay-in Center nga nahimutang sa Cebu City Sports Center (CCSC), diin i house ang mga asymptomatic patients, nonot sa padayong pagpakigbatok sa syudad sa pagbalik ug saka sa mga kaso sa Coronavirus, Delta variant.
Gipahigayon ang ribbon-cutting ug ceremonial opening sa maong pasilidad nga nahimutang sud sa CCSC.
Duna kini 150-bed nga pasilidad ug operational sa higayon nga dunay nay refer nga pasyente.
Samtang ang kagamhanan sa Syudad sa Mandaue nagplano sab nga i convert ang daan nga Department of Government Services (DGS) nga nahimutang atbang sa City Hospital sa pagka Covid-19 isolation facility.
Gumikan sa nagsaka nga kaso sa Covid-19 positive ug sa nadugang nga concern sa Delta variant, nangita ang lokal nga kagamhanan sa syudad ug mga pamaagi pag increase sa ilang pasilidad pag isolate sa positive individuals, aron pag abag nga ma contain ang pagkatap sa virus.
Kini ang gipahibaw sa city government pinaagi sa advisory nga gi post sa Facebook Page sa Mandaue City Public Information Office.
Gisugdan na ug limpio ang daan nga buhatan sa DGS kagahapon, Sabado, Agosto 7.
Didto sa Lungsod sa Consolacion, gibutyag ni Bise Mayor Teresa Nene Alegado nga ilang himoon nga waiting center alang sa mga pasyente ang kasamtangan nila nga gym.
Kini aron dili maka dugang diha sa gawas sa mga pono.
Niadtong Biyernes, Agosto 6, 2021, gipa ubos sa Alert level 4 ang Probinsya sa Sugbo ug ang mga highly urbanized cities sa Cebu, Mandaue ug Lapu-Lapu, uban sa 33 ka mga local government units (LGUs), gumikan sa nagsaka nga mga kaso sa Covid-19 ug taas nga hospital utilization rates.
Sa virtual press conference, matod ni DOH Undersecretary Maria Rosario Vergeire nga ang lugar
ubos sa Alert level 4, nga maoy highest classification, mao kadtong dunay moderate ngadto sa critical risk classification ug kapin sa 70 porsyento nga presensya sa Delta variant. (Jhon Tadlip)
(News & photos courtesy of Cebu City, Mandaue City & Consolacion Public Information Office | Department of Health)