Iriga City – Nagpatanid ngunian si Alcalde Madel Yorobe Alfelor sa gabos na mga drivers asin conductors kan mga pampasaherong jeep na naglalaog sa cuidad nin Iriga na magsunod sa tamang protocol asin dapat na masunod an 50% capacity kan saindang mga lunad.
Ini an nagin patanid kan alcalde matapos na mag-viral sa social media an garo na Christmas tree na mga lunad kan sarong jeep na mayo na kan tamang distansya asin capacity, may mga kabit pa sa luwas kan jeep.
Sigun sa alcalde kun dai masunod an nasabing mga tsuper dai maduwa-duwa na mag-rekomendar sinda sa LTFRB nganing kansilaron an saindang frankisa.
Sa cuidad nin Iriga, igua nin magkapirang ruta kan jeep pasiring sa mga pagtaraid na banwaan kun sain magkaminsan talagang pa’noan an lunad mientras na an ibang mga pasaheros mayo pa nin face mask asin face shield na dai man riniriparo kan mga tsuper. (Melvin F. Barayoga, RPN DZKI Iriga OIC)
(Source: LGU Iriga City)