Iyo ini an lininaw ni alcalde Madel Yorobe Alfelor kasunod kan pagdeklara ni Gov. Migz Villafuerte sa lindong kan GCQ classification kan nagtalikod na Biyernes.
Tinaw’an nin duon kan alcalde na fake news an mga naglalakop na bareta sa social media, alagad an kaipuhan ngunian iyo an kooperasyon kan publiko orog na sa mga ipinapasunod na restrictions sa lindong kan GCQ na ibinabawal sa mga menor de edad asin 65 anyos pataas na senior citizen an pagluwas.
Lain kaini, nagpaguiromdom pa an alcalde sa tamang pagsupong nin face mask asin face shield asin an social distancing, kasabay kan pangapudan nap ag-ibitar sa man lain-lain na mga okasyon asin kasiributan kun sain digde nag-gigikan an inaapod na mga super spreaders kan virus.
Sa banwaan man nin Buhi- bara Bangui na nag-iikot an task force disiplina sa sinamabit ng banwaan tanganing mapapuli an mga menor de edad na yaon sa pagbaray-basay sa poblaciĂłn area kan Buhi, maski oras nan in curfew.
Tinaw’an nin duon ni mayor Margie Moran Aguinillo na binabantayan man kan task force an mga nag-iirinom sa luwas kan saindang harong asin mga okasyon na kaipuhan limitado sana an numero.
Sa banwaan nin Baao, ibabawal n ani alcalde Jeff Besinio an ano man na okasyon na magamit sa mayor na tinampo sa poblaciĂłn area kan banwaan, ini kasunod naman kan ginibong deklarasyon ni Gov. Migz Villafuerte sa lindong kan GCQ kan 31ng banwaan kaiba an gabos na banwaan sa Rinconada area.
Sa tabang kan PNP sinabi kan alcalde na maisog man kaining iimplementar an pagpagalad sa ano man na okasyon na may dakol na capacity, kaiba na an mga internet café asin iba pang leisure asin recreational activity. (Melvin F. Barayoga, RPN DZKI Iriga OIC)