Cebu City – Nag-una karon ang Syudad sa Mandaue sa Metro Cebu Local Government Units (LGU) nga naka abot sa 50 porsiento nga naka vaccinate sa ilang eligible population sa duha ka dose sa Covid-19 vaccine.
As of September 17, 2021, ang Mandaue dunay 154,011 individuals nga fully vaccinated o 50.09 %.
Samtang miabot na ug 173,334 o 56.38% ang naka dawat sa first dose.
Sa kinatibuk-an ang Mandaue duna nay 327,345 ka dose ang na administer.
“With the goal of achieving herd immunity the soonest time possible, your Mandaue City Government will do everything it can to vaccinate those eligible to be vaccinated,” mensahi sa Mandaue LGU.
Nagsunod sa Mandaue nga labing taas ug porsiento ang na fully vaccinated ang Syudad sa Lapu-Lapu nga 39.63 %, ikatulo ang Naga City nga dunay 37.87 %.
Ang Lungsod sa Cordova maoy LGU nga dunay labing ubos ug porsiento sa mga na fully vaccinated, nga duna lay 11.52 porsiento.
Sa sumada mga LGU nga naglangkob sa Metro Cebu LGU dunay 38.12 porsiento ang na fully vaccinated, samtang 47.84 % ang naka dawat sa first dose.
(News & photos courtesy of Project Balik Buhay | DOH | OPAV | Mandaue City Public Information Office)