Malawakang pagsasanay para sa mga contact tracers sa bansa sisimulan na —Magalong

Gugulong na ang malawakang pagsasanay para sa mga contact tracers ng coronavirus disease 2019 (COVID-19).

Ayon kay Baguio City Mayor Benjamin Magalong, sisimulan na ito bukas sa Region 4, sa biyernes sa NCR at isusunod ang Region 3 at iba pang rehiyon sa bansa.

Paspasan ito anya subalit extensive ang gagawin nilang pagsasanay sa mga participants na binubuo ng mga pulis at iba pang law enforcers.

Positibo si Magalong na gaganda ang sitwasyon ng bansa sa sandaling maging episyente ang contact tracing .