Luneta Park bukas na sa publiko

Bukas na para sa mga gustong mag-ehersisyo ang Luneta Park.

Gayunman, sa anunsyo ng National Parks Development Committee (NPDC), tanging ang central section promenades at limitado ito mula alas 5:00 hanggang alas 9:00 ng umaga.

Kailangan din ay one way lamang ang daloy ng mga mag e ehersisyo.

Ang entrance at exit ay limitado sa Rizal Park visitors center at sa senior citizens garden na kapwa nasa TM Kalaw Street.

Hindi rin papayagang makapasok ang mga walang mask at may temperatura na 37.5 degrees o higit pa.

Ipinaalala rin ng NPDC na dapat laging sundin ang social distancing.