Nagpangandam ang state weather bureau PAGASA sa posibleng mga pagbaha ug dahiling sa yuta gumikan sa nasinatiang pag-ulan sa dakong bahin sa Mindanao, ning Martes sa buntag April 27.
Sa pakighinabi sa RPN DXDX GenSan kang PAGASA weather forecaster Jaymar Artigas, gikataho sa opisyal nga epekto sa Localized Thunderstorm ang nasinatiang “moderate to at times heavy rainshowers” sa Soccsksargen, Caraga ug Davao Regions.
Dugang pa ni Artigas, hinay ngadto sa kasarangan nga hangin magagikan sa silangan ngadto sa baryableng direksiyon ug hapsay ngadto sa kasarangan ang pagbalud sa kadagatan. (John Rey Somido)