Naituloy manen a naipaayan ti tulong dagiti kakailian a nakana a nadidigra iti isasaplit ti bagyo a ompong ditoy probinsia.
Segun ken provincial Veterinarian Dr. Loida Valenzuela dagitoy dagiti kinididdaw ni Senator Imee Marcos idi isu pay laeng ti Gobernador ti probinsia nga intultuloy nga in-follow-up ni Gob. Matthew Marcos Manotoc iti Departamento ti Agrikultura iti rehion uno.
Imbatadna a naikkan dagiti agtutubo a kameng ti 4-H Club iti nadumaduma nga ili ken suidad ditoy probinsia iti burias ken dua a sako a feeds.
Malaksid kadagiti nadakamat nga agtutubo ket adda pay ti naited a maiyasping a tulong kadagiti mangngalap iti nadumaduma nga ili ken suidad ditoy probinsia.
Innayon ni Valenzuela a dakkel ti namnama ti gobernador a dakkel a tulong kadagiti maseknan dagiti naggapo iti da nangnangrun iti daytoy a panawen ti pandemia.
(Ronald Domingo, RPN DZRL Batac Correspondent)
(Source: Provincial Government of Ilocos Norte)