General Santos City – Balhog sa selda sa PDEA 12 ang usa ka notoryus nga distributor sa illegal nga droga ug laing upat pa ka mga kaubanan niini atol sa gihimong buybust operation sa hiniusng pwersa sa PDEA Sarangani Provincial Office ug Police Station 1 sa Gensan City Police Office alas 6 ang takna sa gabii sa Brgy. Dadiangas North ning syudad.
Giila ni Kath Abad, tigpamaba sa PDEA 12 ang target sa operasyon nga si Mansor Mandao, alias Bai, 23 anyos nga residente sa Cotabato City kung sa didto usab niya ginakuha ang supply niining illegal nga droga.
Modus matud pa niini nga kung adunay order kaniya sa illegal nga droga, mubyehe kini sa GenSan ug mu-arkila ug lodging house ug didto na magpahigayon sa pag-repack sa supply niini.
Dugang pamahayag ni Abad nga lakip sa mga na-aresto atol sa mga operasyon silang Krismark Perocho, 20 anyos nga taga Sta. Maria, Davao Occidental, Kris Kristoffer Son, 38 anyos nga taga Bansalan Davao Del Sur, Kaylen Barcenas, 18 anyos nga taga Brgy. Apopong, GenSan ug Cherlon Afable, 33 anyos nga taga Tagum, Davao Del Norte.
Atol sa operasyon nakuha gikan sa posisyon sa mga dinakpan ang lima ka sachet sa gituuhang shabu nga gibana-banaang may street value nga 88, 536, naglahing drug paraphernalia, duha ka vials sa lidocaine ug usa ka libo ka pesos nga buybust item.
Kalabot niini, gibityag ni Abad nga wala pa na-apil sa ilahang target list si Mandao apan dugay na kining na-monitor sa kalambigitan niini sa illegal nga droga.
Kasong pagsupak sa Sec. 5, 11 ug 12 sa R.A 9165 ang atubangaon ni mandao samtang upat niini ka mga kaubanan ang pasakaan ug kasong pagsupak sa sec. 11, 12 ug 7 sa R.A 9165.
Pagpaklaro niya nga makonsiderang drug den ang kwarta sa logding house nga ilahang gisudlan kung asa duidto sila nagagamit ug illegal nga droga ug didto usab ginahimo ang pag-repack sa ilahang supply.