Pinasengkedan ni Gob. Matthew Marcos Manotoc a naruay dagitiĀ pampasahero a lugan a nagkiddaw ti Special permit iti Land Transportation FranchisingĀ and Regulatory Board wenno LTFRB para iti panagoperarda.
Segun kenkuana iti agdama ket addan ti lima a rota a nakiddaw ti Special Permit nga inaprobaranen ti probinsia nga agoperar.
Imbatadna a karaman ditoy dagiti rota ti Laoag-Solsona, Laoag-Sarrat, Laoag-Bacarra, Laoag-San Nicolas ken Laoag-Dingras.
Malaksid kadagiti nadakamat a rota, inbunannag ti gobernador nga adda pay ti sangapulo ket lima a rota a nagkiddaw ti Special permit LTFRB.
Inlawlawagna a makitati gobierno probinsia ti panagkasapulan iti pagluganan dagiti kakailian kalpasan a nanayunan dagiti establisimento a napalubusan nga agoperar.
Nupay kasta, kunana a nasken pay laeng a malimitaran ti kaadu dagiti pampasahero a lugan nga agoperar para iti pannakaipasigurado ti pannakapagpatalinaed ti āSocial Distancingā.