29.5 C
Manila
Friday, March 29, 2024

Libreng Seminar Sa Mobile Journalism Ug Giya Sa Pagbaton Ug Trabaho Ipahigayon

- Advertisement -

Zamboanga del Sur – Gitutokan karon sa kagamhanan sa Zamboanga del Sur pinaagi sa Provincial Press Bureau ang pagmatuto ug pagbansay sa mga buot mosalmot sa senemanang seminar nga gibansagan og FREE MOBILE JOURNALISM & EMPLOYMENT GUIDE FOR JOB SEEKERS karong umaabot nga Miyerkules, Mayo 5, 2021 nga ipahigayon sa Zamboanga del Sur Sangguniang Palalawigigan Coffee shop nga anaa sa 4th floor sa SP Building, Brgy. Dao, Provincial Government Complex (PGC). Magsugod kini alas 8:00 sa buntag.

Namugna ang maong initiatiba sa pagpanguna ni Provincial Information Officer, Jeesrel G. Himang ug sa pakigdihug sa Opisina ni Gov. Vicror Yu ug suporta ni Bise Gobernador Roseller Roy Ariosa ingon man sa paggiya ni Deputy Speaker Congw. Divina Grace C. Yu.

Ang nasangpit nga tunga sa adlaw nga seminar nagasentro sa responsableng paggamit sa mobile phone isip himan sa usa ka journalista.

“Tungod sa pagkauso sa social media giisip na nga usa ka journalista ang mogamit sa cellphone ug magmantala ug mga bisag-unsang kasayuran nga angay nga hatagan ug ensaktong sumbanan,” pagpadayag ni PIO Himang. Pinaagi niining seminar makat-onan kon unsaon nga mahimong propesyonal ug dalaygon ang mga gipagulang kasayuran diha sa social media,” dugang pa ni Himang.

Pagatukion usab ang mga nagkadaiyang isyu nga may kalabutan sa cybercrime ug data privacy law. Bisag sa hamubong oras, paningkamutan sa nagpasiugda niining seminar nga malamdagan ug makakat-on ug mga importanteng kasayuran ang mosalmot niini.

Isip tabang usab sa mga nangita ug trabaho, gilakip nga tukion sa ikaduhang hugna sa maong seminar ang giya ug tips sa propesyonal nga gawi sa usa ka mo-apply ug trabaho ug mga hagit nga dala niini.

Gilaumang mamahimong mamulong niini ang mga nailang personalidad sa radio, tv ug social media ug mga   hanas sa corporate nga kalibutan nga ania sa Pagadian. Motagal lamang ug tulo (3) kapin ka oras ang maong aktibidad.

Mang-apod-apod ug mga sertipiko sa pagtambong ang nagpasiugda human sa maong kalihukan. Lakip na niini nga madawat sa mga motambong ang libreng snacks.

Tungod sa pagobserba sa health protocol, gilimitahan ug kutob katluan (30) nga mga partisipante matag iskedyul. Sugod Mayo 5, regular na kining buhaton sa nasangpit nga lugar matag adlawng Miyerkules kada semana.

Gipalihugan ang tanang motambong nga magdala ug kaugalingong papel ug ballpen aron mapasayon ug mahalikay sa Covid-19 virus.

Timan-i. Lagmit aduna nay libreng facemask nga ipanghatag sa maong okasyon apan seguradohon nga nakafacemask daan sa wala pa nagsugod ang seminar. (Zamboanga del Sur Press Bureau)

Ania ang link ug i-click lamang kini sa mga buot mosalmot:

https://docs.google.com/forms/d/19hRtPR7GfALDZPvZy28MTpvUFlyiHFrmX3oh6JwNCCM/viewform?ts=6089095c&fbclid=IwAR1FqYmFOhTdJF37aKIYCe4-Gz8FyZMN37Fe_UpThMpIx6zcIsf1ZyaNhpc&edit_requested=true

(Source: Pagadian News Icon Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -