Cagayan de Oro City – Miduyog ang LGU-CDO pinaagi sa City Inter-agency Council against Women and Their Children (CIACAT-VAWC) sa pakigtambayayong sa mga ahensya sa nasudnong kagamhanan ug barangay, isip pagsaulog sa World Day Against Trafficking In Persons sa Amphitheatre, ning siyudad.
Ang tema karong tuiga mao ang ‘Reach Every Victim of Trafficking, Leave No One Behind,’ nunot sa paningkamot sa pagpataas sa kahibalo sa makahasol nga mga kalamboan ug uso nga giila sa United Nations Office on Drugs and Crime (UNODC).
Gitawag usab niini ang aksyon sa mga gobyerno, tigpatuman sa balaod, serbisyo publiko, ug katilingbanong sibil aron masusi ug mapauswag ang ilang mga paningkamot sa pagpalig-on sa pagpugong, pag-ila ug pagsuporta sa mga biktima, ug tapuson ang pagkawalay silot.
(News & photo courtesy by Cheleste Simene)