Lapu-Lapu Volunteer Frontliners Wala Na Mamalik Gumikan Kay Wa Nay Meal Allowance

0
210

Cebu City – Nag dumili na ang ubay-ubay sa mga medical frontliner volunteers nga na assigned sa lain-laing vaccination sites pag padangat sa ilang tabang sa padayon nga vaccination rollout sa Syudad sa Lapu-Lapu.

Kini human nga wala nay foods packs alang sa ilang meals nga gitonol ang syudad.

Gipasabot ni Lapu-Lapu City Mayor Junard “Ahong” Chan nga nahitabo kini gumikan kay ang Coronavirus Disease 2019 (Covid-19) response budget nahurot na sukad pagka September 10.

Matod ni Chan nga nangayo na siya ug dugang pondo sa konseho pinaagi sa Supplemental Budget (SB) No.3, pero ang nahisgutang proposal wala pa kini ma aprobahi.

“Kita naningkamot gyud nga makahatag ta nila sa ilang pagkaon kay mao raman gyud nay paagi sa ilang pag-volunteer; wala mana sila’y bayad. So, pagkaon ra gyud atong gi-provide sa ilaha,” pasabot ni Chan.

Tungod niini, padayon nga mihangyo si Chan sa konseho sa syudad sa pag approve sa SB No. 3 nga ₱ 81 million.

Nalakip sa maong pondo ang ₱ 45 million nga gahin alang sa COVID-19 response.

Sa ilang bahin ang mga sakop sa konseho mi depensa nga ilan gi deferred ang approval sa SB No. 3 gumikan sa giingong pipila ka mga kwestyonable nga items sa liquidation sa Covid-19 related nga gastohan.

“Nanawagan ko sa akong mga amigo, kinsa tong malooy, para lang dili maputol atong momentum sa atong pag-vaccine,” dugang ni Chan.

Sa iyang bahin, gibutyag ni Atty. James Sayson, deputy chief for the Local Vaccination Operations Center ( LVOC) nga sa pagka karon dunay kapin sa usa ka gatos ka mga volunteers ang ilang mga vaccination sites.

Gipahibaw ni Sayson nga ubay-ubay gyud ang wala na mamalik tungod kay wala naman silay ika provide ng meals ngadto sa mga volunteers.

(Source: Lapu-Lapu City Pubic Information Office, photos courtesy by Kristian Dianne Guino-o)

LEAVE A REPLY

Please enter your comment!
Please enter your name here