Nanawagan ang Philippine Coast Guard kon kinsa ang may impormasyon sa nakaluwas sa mga tripolante sa LCT Cebu Great Ocean nga nadagsa kahapon, Abril 19, 2021 sa baybayon sa Barangay Cantapoy, Malimono nga motawag sa ilang opisina o sa pinakaduol na local government unit.
Sumala pa ni Commander Elaine Pangilinan, waya nay sakay an barge nga nadagsa sa baybayon. An Cebu Great Ocean na may 1,200 gross tonnage gipanag-iya sa usa ka Harold Tan sa Inter East Shipping and Lighterage Corporation. An Kapitan sa barge giila nga si Mario Palacio ug may 19 ka kaibanan na tripolante.
Waya nay tawo ang barge sa dihang nalantaw sa taga Malimono didto pa sa lawod gihapak sa dagku na mga bayud hangtud nga kini gipadpad sa kusog nga hanging Habagat hinungaw sa bagyong Bising (#BisingPH) ug nasangad sa baybayon sa Cantapoy.
May kargang nickel ore ang barge nga basi sa laing impormasyon, gikan kini gikarga sa Tubay, Agusan del Norte. Nanawagan ang Coast Guard kon kinsa ang nakaluwas sa mga sakay sa barge nga hangtud karon gituohang missing, nga motawag sa 0917-842-7969 o sa pinakaduol na local government unit alang sa dugang impormasyon.
(RPN DXKS Surigao, photos courtesy by Ian Julius Mula | Cristian Libres Bag-ao | Shaina Gie Maaño)
