Padayong nagpaaalim sa usa ka balay tambalanan diri sa Cagayan de Oro ang usa ka 41 anyos nga si Arnold nga taga Brgy. Casisang, Malaybalay City, Bukidnon human nakaangkon og unom ka samad-tinigbasan.
Subay sa report nga naningil ang biktima sa suspek nga si Bensoy, 30 anyos nga lumad nga taga Panabo, Davao City. Giingong miabot ang biktima sa bording house sa suspetsado diha sa Brgy. Casisang aron kuhaon ang bayad sa utang apan niresulta kini sa panaglalis sa duruha.
Tungod niini, mikuha sa hinagiban si Bensoy og gitigbas ang biktima dayon sibat sa wala mapihong direksyon samtang gibilin niini ang sundang sa crime scene.
Sa pagkakaron, padayong gipangita si Bensoy sa otoridad tungod sa gihimo niining frustrated homicide.