Cagayan de Oro – Padayong gipangita sa mga otoridad ang suspetsado sa pagtigbas patay sa usa ka lalaki ganinang kaadlawon diha sa may Zone 1, Buara, Brgy. Bayabas ning syudad.
Biktima naila nga si George Tabaranza, 46-anyos, ug residente sa Divine Mercy, Opol, Misamis Oriental.
Subay sa report sa kapulisan nga nag-vigil sa usa ka haya ang biktima sa lugar sa nahitaboan kauban niini ang higala nga si Ingracio Pepito ug Sunny Gaco nga parehong residente sa maong dapit.
Matud pa nga natulog si Ingracio uban sa biktimang si George, apan nakamata si Ingracio tungod sa kasaba sa palibot ug nakurat nga naligo nas dugo ang biktima nga dunay tinigbasan sa liog saysay niini nga halos mumuwag na ang ulo sa biktima sa iyang liog dihang iya kining nakita. .
Nakita usab sa CCTV ang suspek nga usa ka lalaking nag-jacket ug nagkalo kinsa daling mibiya sa lugar.
News and photo by Radyo Ronda CDO News Team