Nag-atubang kuman nan kaso na Unjust Vexation, RA 11313 Article 1, Sec 4, and RA 11332 Non Cooperation an isa ka layaki nga nasakpan namaklad sa isa ka misis didto sa Purok 3, Sitio Cambalong, Brgy. Lipata, Surigao City.
Kini nahitabo alas 4:00 sa hapon kagahapong adlawa Oktubre 18, 2020 diin an suspek nakilay-an na si ERICK BRYAN AGCOL REGIDOR, ulitawo, wayay trabaho na taga Purok-1, Brgy. Lipata, Surigao City.
Sa imbestigasyon ni PSSgt. Joen Zabala nasayran nga namaklad an suspek sa isa ka 31 anyos na misis samtang kini nagpahid nan lotion sa iyang lawas.
Basi sa pahayag sa complainant nga nag renta sa Galliebot boarding house sa Purok-3, Brgy. Lipata, Surigao City, an suspek nagtindog nga nagtan-aw kaniya sa bintana sanan nag masturbate.
May laing testigo nakakita sa suspek nga miambak gikan sa 2nd floor hangtud sa first floor nga nag masturbate gihapon hinungdan nga nanawag sila nan police ug siya nadakpan.
(Mark James Lisondra, Ronda 21 RPN DXKS Surigao)
