Wala nay kinabuhi nga napalgan ang usa ka lalaki nga nag lutaw-lutaw sa kadagatan sa Ouano Wharf, Barangay Looc, dakbayan sa Mandaue.
Pasado alas 12:00 kagahapon sa udto, Hulyo 25, 2023 nahugyaw ang mga tawo lakip ang mga tripulanti sa barko human nakit-an ang usa ka lalaki nga nag lutaw-lutaw atol sa kusog nga hangin ug bawod na dinala sa bagyong Egay.
Daling ni respondi ang kapulisan sa Mandaue City Police Office (MCPO), Station 5, sa area diin didto nakit-an ang patayng lawas uban sa mga sakop sa Philippine Coast guard (PCG-7).
Paglabay sa pipila ka oras uban sa mga post sa mga netizen naila ang biktima nga mao si Mario Bering Garcia, 47 anyos ang panuigon, adunay kaipon, residenti sa Barangay Babag, siyudad sa Lapu-Lapu.
Sa inbestigasyon sa kapulisan paingon na sa pagaka dugta ang lawas sa biktima na gituhuang pipila na ka adlaw kining namatay og naglutaw sa kadagatan.
Sa pagkakakaron padayon ang pakig coordinate sa kapulisan sa mga kabananay sa biktima aron makakuha sila og dugang kasayuran sa kamatayon ni Garcia ug angulo sa kamatayon niini.
Photo: Ken Santillan
via Renante Lada
