Cagayan de Oro – SIKOP ang usa lalaki human sa malampuson nga drug buy-bust operation sa mga operatiba sa Tagoloan MPS sa pagpangulo ni PCAPT. RODEL T LABADAN Chief of Police, sa may Zone 15, Barangay Sta. Cruz Tagoloan, December 19, 2023, adlawng Martes.
Dinakpan mao si alyas Janjan 33 anyos, adunay duha ka anak, adunay mabdos nga ka-live in, ug kasamtngang abang ug boarding house sa may Barangay Sta Cruz sa nasampit nga lungsod.
Atol sa operasyon nakuha sa iyang posisyon Ubay-ubay nga mga pakete sa alleged shabu, laya nga mga dahon sa marijuana, mga drug paraphernalias, buy-bust money.
Gikabutyag nga Atol sa inventory sa kapulisan, misulay pagdagan ang dinakpan bisan nakapusas na ang kamot niini paingon sa kakahoyan ug labong nga mga sagbot ug tanom sa ngitngit nga bahin sa maong dapit nalakag usab kini ni Police Capt. Labadan ug karon mag-atubang sa kasong pagpanglapas sa RA 9165 o comprehensive dangerous act of 2002.
News and photo by Cheleste Simene