Muabot sa 101 ka mga residente na usab ning dakbayan sa Dipolog ang laing nakadawat sa “Assistance to Individual in Crises Situation (AICS)” Program pay-out nga gipahigayon niadtong Nobyembre 6, 2024, mga alas 4 ang takna sa kahapunon didto sa 2nd floor, Museo ning syudad sa Dipolog.
Ang maong pag apod-apod sa ayuda gitambungan sa Mayor ning dakbayan sa Dipolog nga si Mayor Darel Dexter T. Uy kinsa nipadayag sa iyang mensahe ngadto sa mga indibidwal nga mga benepisyaryo nga matod pa ang lokal nga kagamhanan ning syudad andam sa paghatag sa ayuda ngadto sa mga yanong katawhan nga nagkinahanglan sa ayudang medical (Medical Assistance), ug (Burial Assistance) alang sa mga namatyan ug luban pa.
Sa maong programa 76 sa 101 ka indibidwal ang nakadawat sa tag 3 mil ka pesos alang sa Medical Assistance ug laing tag 5 mil ka pesos alang sa burial assistance sa laing 25 ka indibidwal.
Ang AICS, nasayran nga usa ka programa gikan sa panudlanan sa Lokal nga kagamhanan nga gi-apod apod ngadto sa kabos nga mga indibidwal nga kabahin sa nasudnong programa. (Medalyn U. Borja)
(Source: Dipolog City Government)