Pagadian City – Atol sa pagsaulog sa ika 52 Araw ng Pagadian, June 21 2021, Gibuksan usab sa National Commission on Culture and the Arts – Dumedingan Institute Arts Guild Inc., Institute for the Living Tradition (NCCA – DAGI ILT) ang bag-o ug temporaryo nga opisina nga nahimutang sa Taklobo, Plaza Luz ning syudad.
Ang NCCA-DAGI ILT usa ka organisasyon diin layon niini ang maipaila ngadto sa Pilipinong ang mga kulturang Pagadianon. Gihatagan ug dakong pagtagad sa administrasyon ang mga talento sa Pagadianon nga mapakita base sa tagsa tagsa niini nga mga tribo.
Klase klase nga mga butang ginama sa lokal nga materyales ang ipa ilaila sa organisasyon. Ang syudad sa Pagadian ang gilangkuban sa nagkalain laing tribu diin nagkahiusa ang mga Bisaya, Muslim, Subanen ug uban pa.
Panaghiusa ug pakigdait ang usa sa mga idolohiya niini isip pagpamatuod sa ASEAN theme: “Unity in diversity”
Gilauman nga mamahimong malampison ang proyekto ning maong organisasyon isip kini ang unang lakang aron maila ang Pagadian sa matang sa sining ug kultura.
(Sam Legaspi (DXKP Pagadian News Correspondent), photo courtesy of Asenso Pagadian)