Radio Philippines Network
DXKO CDO News Provincial News

Katilingbanaong Serbisyo Gilaumang Mapalambo Sa CdeO Sa 2021

Dako ang paglaum ni konsehal Girlie Balaba, chairman sa komite sa social services, nga mahatagan pa sa dugang kaugmaran ang natad sa katilingbanong serbisyo sa kagamhanan sa dakbayan ning tuig 2021.

Kini human giaprobahan sa konseho sa syudad ubos ni bise mayor Kikang Uy nga mapatuman karong tuiga ang balor ₱ 58 milyones nga mga proyekto sa imprastraktura ubos sa City Social Welfare and Development (CSWD).

Lakip sa mga proyektong gisugyot mapatuman mao ang pagtukod sa Mental Hospital dinha sa Maitum Puerto, phase 2 nga mokabat sa ₱ 5 milyones; House of Hope, Lumbia (P5 milyones); Halfway House alang sa mga rebeldeng nibalik sa sabakan sa gobyerno dinha sa barangay Mambuaya (₱ 5 milyones); pagtukod og dugang tulo ka Child Development Centers (CDCs); pagtul-id sa napulo ka CDC; pagtukod og usa ka national CDC; pagtukod og PDAO Building ug Development Center; pagkompleto sa CICL for Girls dinha sa Macanhan, Carmen; pagtukod sa CCPC Office, Community based Child Minding Centers ug usa ka laboratory center alang sa CWD ug pagmintinar ug pagtul-id sa evacuation centers sa barangay Pagatpat, Canitoan ug Indahag.

Dugang niini, gilantaw nga mahitsasan ug hingpit nang masugdan ang operasyon sa Oro Care Village.

Mokabat sa ₱ 24 milyones usab ang gigahinan karong tuiga alang sa pag-establisar sa Administrative Building, Staff House, Bahay Pag-asa for Girls, Guest House, Covered Court, Hydro Therapy Wading Pool, Computer Repair Room, Carpentry and Car Repair Room, Power/Generator Room, Motor Pool Garage ug Run Track Oval dinha sa Oro Care Village.

Kun mahingpit ang pagpatuman sa maong mga programa ug proyekto, daghang katawhan sa dakbayan ang makapahimulos ug makabenepisyo niini, pamahayag ni konsehal Girlie Balaba.
(Sangguniang Panlungsod – CdeO)

Related posts

LOOK: Updates On COVID-19 As Of June 7,2020

RPN

Gobernador Francisco Matugas Naghuyat Pa Sa Rekomendasyon Sa City Government Kon Taman Ra Ba Oktubre 31 O Ma-Extend Ba An MECQ Hangtud Nobyembre 15

RPN

Gov. Garcia Mapasalamaton Sa Dinaliang Aksyon Ni DENR Secretary Cimatu Pagpahunong Sa Operasyon Sa Dolomite Firms Sa Alcoy

RPN