Opisyal nang miduso sa iyang kandidatura sa pagka Mayor ning dakbayan sa Dipolog alang sa 2025 nga eleksyon ang kasamtangang Gobernador ning lalawigan sa Zambonga del Norte, ngadto sa buhatan sa Dipolog City Comelec nga si Gobernor Rosalina “Nanay Nene” Jalosjos, adlawng Huwebes , Oktobre 3, 2024.
Sa maong lakang sa pagduso sa iyang kandidatura gisaksihan sa iyang mga kaalyado sa politika nga gilangkuban nila ni Dapitan City Mayor Seth Frederick “Bullet” Jalosjos, kinsa pag umangkon sa Gobernadora,Atty.Patrick Ivan Ang, Provincial Administrator Wilberth ” Jojo” Magallanes” ug ang igsuon niini nga si Romeo Jalosjos Sr.
Lakip sa mga nisaksi usab ang pipila sa mga supporters ni Board Member Beverly “Bebe” Labadlabad sa segundo distrito nga ubos usab sa partido sa gobernadora ug pipila sa mga katawhan sa dakbayan sa Dipolog kinsa hugot nga ni suporta sa kandidatura ni Gobernor Jalosjos sa piniliay.
Si Gobernor Rosalina “Nanay Nene” Jalosjos, emosyonal nga mipaambit sa iyang mensahe ngadto sa iyang mga kaubanan sa katungdanan ug sa mga katawhan, nga nanghinaot nga makab-ot ang kadaugan sa termino pagpapili pagka Mayor sa umaabot nga piniliay sa 2025.
Iyang gipabati ang iyang kinasing kasing nga tinguha, ang padayon nga pagbubo sa serbisyo ngadto sa mga katawhan ning dakbayan sa Dipolog. (Medalyn U. Borja)