General Santos City – Kulang ang kasamtangang issue nga body-worn cameras sa kapulisan nga duna lang 15 ka device, kini ang giangkon sa opisyal sa General Santos City Police Office (GSCPO) sa pag-atubang sa sesyon sa Sangguniang Panlungsod (SP), Martes sa buntag. Kung dili maghinulamay og body worn cameras aron ma-rekord ang insidente atol sa pagpahigayon og o search o arrest warrants. ang kapulisan ang gagamit og alternative recording device.
Matud ni Police Major Carl Jayson Baynosa, hepe sa Makar Police Station, mas maayo unta og madungagan ang ilang body worn camera aron masiguro nga dili mabasura ang gipasaka nilang kaso.
Aron usab makuha ang gimandu nga accomplishment, bisan paman kulang ang logistics tungod bag-o pa lang ang police station 9, butyag sa hepe niini nga si Police Major Robert Fores, napadulong sila pagpanghulam og device.
Una nang, gipangutana ni Konsehal Jose Edmar Yumang kang Police Lt.Col. Janmar Remudaro, deputy city director for administration sa GSCPO kung pila kabuok ang ilang body worn camera.
Butyag ni Remudaro, duna na sila’y hangyo sa LGU nga matabangan silang makapalit og dugang body cameras sunod tuig. Kung wala’y body-worn cameras, ang kapulisan ang mag-file og motion sa korte aron makagamit og alternatibong recording device alang sa operasyon.
Una nang, gimandu sa Supreme Court base sa resolusyon gimanduan ang law enforcers nga mogamit og body worn cameras sa ilang mga operasyon. (Rey Ombaña)