Nangandam na ang kagamhanang lokal sa Metro Cebu sa posibleng epekto sa bagyong Auring nga gipaabot moigo sa Sugbo karong weekend.
Gipaambit ni Ramil Ayuman sa Syudad sa Sugbo ang pahimangno sa kabomberohan aron hingpit nga maluwas sa epekto unya sa pagkoso-koso sa maong bagyo nga direktang mo igo sa Sugbo matud pa sa weather bulletin sa PAG-ASA.
Samtang ang mga sakop sa CDRRMO-Mandaue City o City Disaster Risk Reduction Management Office regular na nga nagbantay sa dis-og sa bagyo sa Command Center.
Base sa report sa PAGASA o Philippine Atmospheric Geophysical & Astronomical Services Administration, posibleng moigo ang bagyo sa Cebu karong weekend.
Si Buddy Alain Ybañez, labaw sa CDRRMO, miingon nga ilanang gisultihan ang mga kapitan pag-assess sa ilang tagsatag sa ka hurisdiksyon ug ireport kon naay mga estraktura o punoan sa kahoy nga posibleng matumba sa hangin.
Matod ni Ybañez, ilang pamung-olan ang sa nga sa mga kahoy nga maghatag og kakuyaw sa publiko panahon sa bagyo.
Suma pa ni Ybañez, ang tibuok nilang puwersa motrabaho sa weekend para pagtubag kon adunay alarma o insidente.
Giagni usab sa siyudad ang mga mulupyo nga mangandam sa epekto sa bagyo.
Gahapon sa hapon nagmiting ang CDRRMO uban sa TEAM o Traffic Enforcement Agency of Mandaue, City Social Welfare and Services, Bureau of Fire Protection, Philippine National Police, ug Department of General Services isip kabahin sa preparasyon sa bagyo.
Sa ilang bahin ang CDRRMO-Lapu-Lapu City pinaagi sa ilang pangu Nagiel Banacia mipahibaw nga nangamdam na sab sila sa maong bagyo ug mi deploy na sa ilang mga personnel.
Ilang gihimong leksyon ang nahitabo sa bagyong Vicky nga hilom lang pero naka himo kini dakong kadaot human gibanlas ang kapin sa usa ka gatos ka mga kabalayan sa Barangay Ibo, Syudad sa Lapu-Lapu.
Labi nilang gitotokan ang isla sa Caubian nga na isolate sa mainland. l via Jhon Tadlip
(Source: CDRRMO-Cebu City, Mandaue and Lapu-Lapu, photo courtesy of Cebu City Fire Office)