Sa mas gihugtan pa nga pag implementar sa EO No.28 nga gipagawas sa buhatan ni City Mayor Estong Matugas kalabot na sa pag inspeksyon sa mga panpubliko sanan pribadong establisyemento kon ini sila nagpatuman sanan nakasunod sa MINIMUM HEALTH STANDARD.
Kaiban an mga myembro sa task force, mi libot na isab si Atty Manuelito Delani, an city legal officer ug kasamtangan na action officer nan dakbayan ini para na sa pag inspeksyon sa mga establisyemento may kalabotan na sa Safety Seal Certificate. Pipila sa mga gipan inspeksyon amo na an mga tindahan, kan-anan sanan banko na sarang sudlan nan mga katawhan o publiko.
Ini amo na an pagsunod sanan istriktong pag implementar sa minimum health standard sa ila na mga establisyemento ini para sa proteksyon dili lamang para na sa ila mga empleyado o trabahante ilabina gajud sa mga kleyente sanan mga customer na musuyod sanan mu avail nan ila mga services na maprotektahan sanan mahilikay sa Covid19 o bisan uno na variant.
(Source: Surigao City PIO Facebook page)