Gidasig ni konsehal Edna Dahino, chairman sa komite sa women and family relations, ang kababaenhan sa dakbayan nga padayong magmalig-on taliwala sa nasinating pandemya.
Kini ang mensahe sa konsehal atol sa senimanang pagpakayab sa nasudnong bandila dinha sa City Hall kagahapon human gibuksan ang kasaulogan sa Women’s Month karong bulan sa Marso nga nagdala sa temang “Juana Laban Sa Pandemya”.
Gipasabot ni Dahino nga kining sitwasyon walay nakapangandam ug dako kini nga leksyon sa tanan. Gani ang tanan dako ang kabalaka sa matag kinabuhi kay bisan pa og daghan og kwarta walay nakaseguro sa kahimtang sa panglawas hinungdan nga kinahanglang mag-amping gayud ang tanan.
Niini, siya mipasalamat sa usa sa bahin sa iyang kinabuhi nga nakahatag siya og serbisyo sa katawhan ug midasig usab sa uban ilabina sa mga kawani sa magpositibo sa ilang kinabuhi aron makaserbisyo ngadto sa katawhan nga gialagaran ilabina niining panahon sa pandemya.
Dugang pa, gipasabot ni Dahino nga unta magpabilin nga determinado sa kinabuhi og magmalig-on, mahimong positibo sa panglantaw uban sa kakugi ug pag-ampo ngadto sa Ginoo aron mahimong gaan ang tanang problema nga gisagobang. (Sangguniang Panlungsod – CdeO)