Cagayan de Oro – GIPASIDUNGGAN ang JR Borja General Hospital (JRBGH) ubos sa administrasyon ni Mayor Rolando “Klarex” Uy tungod sa maayong pag-atiman sa pasilidad niini, ingon man pagpatuman sa eco-friendly technologies and practices.
Sa awarding ceremony didto sa Iloilo Convention Center bag-ohay lamang, gidawat sa JRBGH ang ‘3-Star Green and Safe Health Facility Award’ nga gitambongan ug gisaksihan sa mga health care professionals, environmentalists ug government officials gikan sa nagkalain-laing dapit sa nasud.
Partikular nga giila ang hospital tungod sa talagsaong dedikasyon niini para sa kalamboan ug ang kaakohan para sa kaluwasan sa mga pasyente.
Ang maong pasidungog nag-ila usab sa talagsaong dedikasyon sa JRBGH sa pag-sustenir sa pinakataas nga standard sa pag-atiman sa mga pasyente.
Nasayran nga bugtong ang JRBGH lamang ang nakadawat sa maong pasidungog sa tibuok rehiyon.
News and photo courtesy of CIO CDO