Cagayan de Oro – GARBO sa kagamhanang lokal sa Cagayan de Oro ubos sa administrasyon ni Mayor Rolando ‘Klarex’ A. Uy human gipasidunggan sa Philhealth – Northern Mindanao pinaagi ni Regional Vice President Delio A. Aseron II ang buhatan sa City Health Insurance Office ug mga Philhealth KonSulTa Provider sa JR Borja General Hospital (JRBGH), Carmen Health Center ug Nazareth Health Center sa pagduso sa programa sa Philhealth Konsultasyong Sulit at Tama Package ug sa kinatibuk-an sa Universal Health Care Program (UHC).
Atol sa ‘Pasidungog’ program nga gipasiugda sa Philhealth- X niadtong Nobyembre 8, 2024, malipayong midawat sa award isip top performing KonSulTa providers ang JRBGH, Carmen ug Nazareth nga adunay ‘highest number of first patient encounter’ (FPE) sa syudad sa tuig 2023.
Nakadawat usab ang CHIO og plaque of recognition sa hugtanong implementasyon sa KonSulTa package isip usa sa mga tinguha sa UHC.
Lakip sa midawat sa pasidungog isip Universal Health Care Advocate Award si City Councilor Dra. Maria Lourdes S. Gaane, chair sa Committee on Health, Nutrition and Health Insurance sa 20th City Council.
News and photo by CIO