Davao City – Mukabat sa 3000 ka trabaho ang pweding aplayan sa mga residente sa Davao region human gihanyag sa DOLE XI ang Kalayaan Job Fair nga gipahigayon kagahapong adlawa, Hunyo 12 sa SM City Davao sa Ecoland, Davao City.
50 ka mga nagkalain-laing kompanya ang misalmot sa Job Fair nga gilangkuban sa 40 ka mga local companies ingon man 10 ka mga international companies.
Gawas sa Davao City, aduna say ipahigayon nga Kalayaan job fair karong adlawa, Hunyo 13 sa Carmen Municipal gymnasium sa Carmen Davao del Norte, June 14 sa University of Mindanao Panabo campus sa Panabo City Davao del Norte ug sa June 15 sa University of Southeastern Philippines sa Tagum City, Davao del Norte.
Samtang, giawhag sa DOLE XI ang mga walay trabaho sa pag-apply, muadto lang sila sa mga nagkalain-laing venue sa Kalayaan Job Fair ug magdala sa ilang mga dokomento. (Camille Santos Naraga)
(Source: DOLE XI)