Pigrekognisar an duwang empleyado san Public Employment Service Office (PESO) Daraga sa ginibong PRAISE dangan Oragon Awards 2023 san Department of Labor and Employment (DOLE) V nganang aldaw, Disyembre 18, 2023, sa Marison Hotel, Legazpi City.
Sinda Rey Josef Lawenko, PESO manager, dangan Prescious Marfil, Office Clerk, nakaresibe nin special citation for coordinators award sa matrayumpong pag-implementar san mga programa nin DOLE parehas san Tulong Panghanapbuhay sa Ating Disadvantaged/Displaced Workers o TUPAD Program, Special Program for Employment of Students (SPES), dangan PESO Employment Information System kayba na an Livelihood na saindang na-implementar.
Mientrastanto, segun ki Lawenko, an award na nakuko ninda usad na honra sa sayndang opisina dangan sa lokal na gobyerno nin Daraga. Patunay na matrayumpo an pag-implementar san PESO Daraga sa manlaen-laen na programa san DOLE.
Nagpasalamat man si Lawenko sa DOLE dangan ki Mayor Awin Baldo para sa padagos niyang pagtaw nin supprta na nagataw kusog nganing magpursige sinda lalo sa sayndang trabaw.
“Nagpapasalamat kami sa DOLE dangan kay Mayor Awin Baldo ta siya su naga-empower satuya to do better in our job,” segun ki Lawenko.
Kayba man sa nasabing awarding an ngamin na stakeholders na nag-implementar san manlaen-laen na programa san DOLE nganang tawn, mga PESO managers, job placement officers, media, dangan iba pang organisasyon.
(Source: PIO Daraga Albay, photo courtesy of DOLE Bicol)