Pinangenutan mismo ni PMAJ. Divino John B. Pelea, OIC kan Municipal Police Station kan Banwaan nin Baao, Camarines Sur asin man kan LGU Baao sa pamamayo kan Alkalde na si Jeff Besinio an pag conducta kan Launching, cascading asin pagperma kan Memorandum of Understanding dapit sa REVITALIZED PNP KASIMBAYANAN (Kapulisan, Simbahan, Pamayanan),
Mantang sa nasabi nang ocasyon kabali man sa Memorandum of Understanding iyo an Pamayo kan religious sector/faith-based Multipliers na kun saen ginibo mismo sa Municipal Covered Court. An nasabi nang actividad naka-sentro sa pag-papakusog asin pagkakasararo sa pag-ultanan kan Religious Sector asin kan Gobierno para sa pagtao nin marhay na Servicio sa mga communidad.
Mientrastanto an nasabi nang KASIMBAYANAN program nag-kaigua tulos nin Pag-conducer sa sarong Barangay sa nasabi nang banwaan kun saen si PCpl Edwin B. Nacion na pinag-destino bilang PSB sa Barangay San Nicolas, Baao, Cam. Sur Sa pamamayo man ni Punong Barangay Augusto Bustarga, an nag-condukta nin Orientation on Revitalized PNP KASIMBAYANAN PROGRAM sa mga gropo nin kababaihan na pinag-apod (JUANA) asin sa mga Jovenes KKDAT (SK) can naunambitan nang Barangay kun saen an TEMA mapadapit sa RA 9165 para magka-igua nin kaaraman mapadapit sa nakaka-raot asin nakaka-gadan na illegal na droga. (JV Navarro Verdeflor Jr.)
