Radio Philippines Network
DXKO CDO News Provincial News

Insentibo Sa Mga Bakanteng Loteng Gamiton Nga Parking Area, Gilantaw

Padayong tun-an sa komite sa roads and traffic management ni konsehal Romeo Calizo ang pagtunol og insentibo ngadto sa mga tag-iya sa bakanteng lote nga himuong parking area dinha sa business district sa syudad.

Kini human ang representante sa buhatan sa City Treasurer namahayag nga posibleng mahatagan sa mga angay

ang insentibo ang mga nanag-iya sa bakanteng lote nga maglaraw pagtukod ug pag-operate og parking buildings o’ spaces.

Sa tigom sa komite sa milabayng adlaw, gipasabot ni konsehal Lordan Suan, nangamahan sa sugyot ordinansa alang sa maong katuyuan, nga makaagni sa mga nanag-iya sa lote nga magnegosyo og parking spaces kun adunay mga insentibo nga mahatag sama sa exemption sa licenses ug regulatory fees.

Gibutyag nga problema gayud sa kagamhanan ang parking space kay bisan sa mga transacting public sa City Hall moreklamo gyud nga lisod ang parking.

Daghan ang mahimong itunol aron madani ang mga nanag-iya og bakanteng lote ug unta masugdan na sa labing daling panahon tungod kay nakita naman gayud nga makatabang sa pagpagaan sa trapiko kun adunay insaktong parking areas ug dili lang dinha sa kadalanan, pamahayag ni Suan.

Niini, si Calizo mihangyo sa kadagkoan sa Roads and Traffic Administration (RTA) nga mahikay ug mahan-ay ang mga bakanteng lote sa business district nga posibleng ma-convert nga parking spaces. (Sangguniang Panlungsod – CdeO)

Related posts

Zamboanga Del Sur Reported 6 New COVID-19 Recoveries Today, October 18, 2020

RPN

Bong Go Provides Aid To Boxers Group In Davao City Under Strict Health Protocols; Urges Government To Always Prioritize The Poor And Vulnerable Sectors

RPN

Climaco Reiterates Call On Protocol Compliance

RPN