Ginaandam na sa General Santos City-Internal Affairs Service (GenSan-IAS) ang pagpahigayon og “audit” sa ginahimong imbestigasyon sa General Santos City Police Office sa mga natala nga shooting incidents sa siyudad.
Sa aoy ni GenSan-IAS chief, Atty. Richard Opinion nga partikular sa buot nilang mahibawan ang status sa ginahuptang kaso sa nagkadaiyang police stations, asa adunay natala nga insidente sa pagpamusil-patay.
Kahibaluan nga karong bulan lamang, pito ka mga insidente sa pagpamusil ang natala sa dakbayan.
“I-audit nato, tapos ato nang ginasundan kung unsa na ang progress aning mga kaso. Naresolba naba ni. Unsa nay update ani. Now, kung wala na siya galihok, aduna kita mga procedures aron matuklod ang kapulisan nga resolbahon ang mga kaso,” ang tipik sa pamahayag sa opisyal.
Una nang gihatagan og 2-week timeline ni GSCPO chief, P/Col. Gilberto Tuzon ang mga sakop niini aron mahatagan og kasulbaran ang mga natala nga shooting incidents sa nagkadaiyang mga areas of responsibility. (John Rey Sumido)