Muabot na sa pito (7) ka mga indibidwal ang nasikop sa mga personahe sa Cagayan de Oro City Police Office kon COCPO sa ilang paghigayon og intel driven police operation nga OPLAN BOLILYO batok sa illegal nga number game nga gitawag ug “wirik-wirik” o swertres gikan sa mga dili otorisado PCSO sugod bulan sa Enero hangtud Marso ning tuiga.
Ang mga dinakpan nagagikan kini sa 6 ka mga Brgy ning syudad atol sa managlahing operasyon mao kini sila si alyas Yane, 56 anyos ug lumulupyo sa may Brgy Kauswagan ning syudad, nasundan kini pagka Enero 30 diin sikop ang usa ka alyas Ansanoding, 41 anyos ug lumulupyo sa may Brgy Balulang, parehong nasikop sa may JV Serina St Brgy Carmen ning syudad.
Pebrero dihang nasikop ang usa ka alyas Eden sa may Brgy Indahag ning syudad pinaagi sa CIDG CDO CFU (Lead Unit) sa koordinasyon sa PS2 Cogon, alyas Ramil sa may Valenzuela Road Lapasan ning syudad pagka Pagka Perbrero 24, alyas Juan sa may Zone 5, Bongbongon, NHA. Bgry Kauswagan pagka Marso 10, ug alyas Gleen sa may Iponan pagka Marso 24.
Parehong nakuhaan ang mga dinakpan sa sa mga ebidensya sama sa resibo sa swertress nga adunay number combination, kwarta nga pangsugal, ballpen ug resibo nga gigamit isip stub.
sa pagkakaron, gi-andam na ang kaso nga ipahamtang gadto sa mga dinakpan nga kasong Paglapas sa RA 9287 o An Act Increasing the Penalties for Illegal Numbers Games.
Sa laing bahin padayun usab nga nagpahimangno ang mga otoridad nga likayan ang paggamit, pagtaya o sugal s amga dili otorisdaong mga outlet ug didto lamang sa otorisado sa PCSO sama na lamang sa Hexaprime.