Davao City – Giawhag sa Caumnay Farmers Association gikan sa lungsod sa Cateel, Davao Oriental ang mga mag-uuma sa Davao Region nga ikonsiderar ang pagpananom og soybeans sa ilang lugar.
Sumala ni Caumnay Farmers Association Chairman Celedonio Abrahan, nga dako og kita ang nahisgutang palaliton tungod kay gamay ra ang gasto niini.
Dugang niini, nga P30,000 pesos lang ang iyang gigasto sa pagmentinar sa iyang usa ka ektarya nga plantasyon diin 2,500 ka kilo ang iyang naani.
Sa bahon usab sa halin, nagkantidad kini og P50 matag kilo nga mas taas kon itandi sa ubang mga palaliton. (Camille Santos Naraga)
(Source: DA XI)