Gihatagan ug otoridad sa mga myembro sa Sangguniang Panlalawigan si Governor Roberto Uy sa pagdawat sa Deed of Donation ni Armelito Patangan pabor sa kagamhanang probinsyal sa Zamboanga del Norte nga gi-representahan ni Governor Uy.
Kini naglangkub sa 297 square meters nga luna nga anaa nahimutang sa Barangay Biayon, lungsod sa Sergio Osmena ning lalawigan aron tukuran sa water supply system project.
Samtang gihatagan usab ug otoridad si Governor Uy sa pagdawat sa Extrajudicial Settlement of Estate with Simultaneous Donation nila ni German Dajuela, Abito Dajuela, Joseph Dajuela, Nilo Dajuela, Leo Dajuela, Juan Dajuela ug Greg Dajuela pabor gihapon sa probinsya nga naglangkub sa 200 square meters nga luna nga nahimutang sa Brgy. Owaon, dakbayan sa Dapitan.
Kini pinaagi sa resolution nga pulos gipangamahanan ni 2nd District Board Member Crisologo Decierdo atul sa ilang regular session karong semanaha.
Ang maong luna tukuran usab sa water supply system project sa maong dapit.
(Provincial Information Center-mbmontederamos)