Kas paset iti agtultuloy a panangtulong ti gobierno probinsial kadagiti kailian a nakaro a naapektaran ti negosio na gapu iti covid-19 pandemic.
Nagibunong manen ni Governor Matthew Marcos Manotoc iti “loan assistance” kadagiti walo a benepisiaryo a nanggundaway iti loan program ti probinsia.
Umabut iti 119, 000 ti naited amin kadagiti walo nga eligible loan applicants manipud iti nagduduma nga ili. Kadua ti gobernador dagiti opisial ti probinsia pakairamanan ni Ms. Elma Gabriel, mangidadaulo iti SME Office a nangiyawat iti “loan assistance” kadagiti maseknan a benepisiaryo.
Mainag pay laeng daytoy iti awan sarday na a panangsupurta ti gobierno probinsial kadagiti local Small and Medium Enterprises (SMEs) wenno babassit a negosiante a mangrugrugi pay laeng kadagiti negosio da.
Manamnama a sumarsaruno met a maibunong dagiti dadduma pay a nanggundaway iti nasao a programa bayat a maiprosproseso dagiti insubmitir a kasapulan a dukumento.
Daytoy ket babaen pay laeng iti initiatibo ni Gob. Marcos Manotoc a panangiyubwat iti nagduduma a COVID-19 Business Rehabilitation Projects tapno matulungan a makalung aw nga insigida dagiti SME’s a nakaro a naapektaran gubbuay ti pandemia.
(Source: Provincial Government of Ilocos Norte)