Pagadian City – Arestado sa gihimong Drug Buy-Bust Operation ang usa ka gituohang kawatan nga gikasa sa Station Drug Enforcement Team kon SDET nga gipamunoan ni Police Lieutenant Brainhull Sakkam sa Pagadian City Police Station kauban ang mga kawani sa San Pablo Municipal Police Station (MPS), Aurora MPS, Tambulig MPS, Dumalinao MPS ug sa Zamboanga Del Sur Maritime Police Station, sa may Purok Masanagon Uno, Barangay San Pedro Pagadian City. Naila ang dinakpan nga si Jaime Sabturani Abdullah aka Kalloman, 37 anyos, minyo, usa ka mag-uuma ug residente sa Purok Kabinga-an, Barangay San Pedro Pagadian City ug usa ka nailing bag-ong Drug Personality ug SLI kon Street Level Individual.
Atol sa maong operasyon nakuha gikan sa posesyon sa suspetsado ang usa ka gamay nga pakete sa gituohang shabu ug laing duha ka dagko nga pakete sa shabu nga mukabat sa 8 ka gramos ug mubalor sa 41 mil ka pesos ug duha ka 500 pesos isip buy-bust money.
(News & photos courtesy by Wendel Cabrera)