Alabel, Sarangani Province – Gipangunahan sa Municipal Health Office (MHO) ang pagpahigayon og usa ka seminar alang sa kasaulogan sa Colorectal Cancer Awareness, Martes sa buntag, Marso 18, 2025 sa Alabel Municipal Civic Gymnasium.
Sa aktibidad, mihatag og mensahe si Mayor Vic Paul Salarda, MPA ug gihinumduman ang mga mitambong sa importansya sa pag-atiman sa kalawasan hilabi na sa ‘early detection ug screening’ sa colorectal cancer.
Gihatagan usab og kabug-aton sa alkalde ang kanunay nga pagkaon og healthy nga pagkaon sama sa mga gulay, prutas ug likayan ang soft drink, mga processed food, ug mga pagkaon nga grabe ka tam-is, grabe ka-parat ug kadtong dagkan kaayo og preservative nga mao’y makadaut sa atong tinae ug sa atong kalawasan.
Sa nasud Pilipinas, ang Colorectal Cancer Awareness Month ginasalug matag bulan sa Marso, nagtumong kini sa pagpataas og kahibalo ug paghatag edukasyon mahitungod sa colorectal cancer, pag-promote sa screenin ug pagdasig sa ginatawag nga early detection and prevention. (ALABEL INFORMATION OFFICE)
News&Photos: MIO-ALABEL