General Santos City – Nahimong ma-kolor ang espiritu sa kapaskohan ang Plaza Heneral Santos kagahapong adlawa, Desyembre 19, 2024 dihang si Gensan City Mayor Lorelie Geronimo Pacquiao nag-apod-apod og mga pagkaon nga gipalit gikan sa usa ka hegante ug sikat nga Food Chain ngadto sa gatusan ka mga residente sa siyudad, sa pakigtambayayong sa usa ka kompaniya sa softdrinks.
Kining espesyal nga halad nagdala og kalipay ug inspirasyon sa mga estudyante, kabatan-onan, ug mga hamtong, kinsa nagpundok aron mobati sa diwa sa Pasko sa yano apan makahuluganon nga paagi.
Pinaagi niini nga pamasko, gipakita matud pa ni Mayor Pacquiao ang iyang pagpakabana ug dedikasyon sa mga Heneral. Taliwala sa matag pahiyom sa mga nakadawat sa pagkaon, mabati ang mensahe sa gugma ug panaghiusa nga gustong ipaabot sa maong Alkalde. (Rem Agdon)
(News&Photos: CMO)