GENERAL SANTOS CITY – Balhog karon sa selda sa San Isidro Police station ang tulo (3) ka sumala pa suspek sa sunod-sunod nga pagpanghold sa nagkadaiyang lugar ning syudad sa Gensan human kining masikop sa checkpoint nga gilusad sa hiniusang pwersa sa kapulisan sa San Isidro Police station ug City Intelleligence Unit kon CIU sa General santos city police office kon GSCPO.
Giila ni PCAPT. Ulf M. Tabucon, Commander sa Police station 4, San Isidro PNP ang tulo ka mga suspek nga silang Vencent Mara-on Salazar, 22 anyos, ulitawo walay trabaho, residente sa Purok 13, Brgy. Katangawan, John Lei Frasco, 19 anyos, walay trabaho, residente sa Purok 13A, Brgy. Katangawan ug Christian Caspillo, 18 anyos, residente usab sa San Vicente, Purok 19, Brgy. Lagao ning syudad sa Gensan.
Sumala pa nga nagpahigayon ug checkpoint ang mga katapo sa police station 4 ug city intelligence unit sa area sa conel road duol lamang sa Bria Homes sa dihang namatikdan ang mga suspek nga misulay unta ug sibat.
Namay-ungan matud pa ang mga nasangpit nga susama sa nang hold-up sa duha ka mga batan-on sa area sa Damicog st., Brgy. Bula ning syudad sa Gensan ala 1:30 ang takna sa kadlawon.
Sa diha gikapkapan na ang mga nasangpit nakuha sa posisyon sa mga niini ang usa ka unit sa caliber .38 nga revolver nga adunay 4 ka mga buhing bala, usa ka granada cellphone, pitaka kwarta, ug duha ka pakete sa gituhuang shabu.
Gikumperma usab ni PMAJ. Robert Lagitao, Hepe sa CIU, kumpermado ang mga suspek nga maong responsable sa serye sa mga hold-up ning dakbayan kung asa identified na usab ang mga kaubanan niini.
Samtang giawhag usab sa kapulisan ang mga biktima nga bisitahon ang ilang buhatan aron masuta nga kini ba ang mga suspek nga mibiktima usab kanila. (John Rey Somido)
Courtesy: Jeb Galindez