General Santos City: Arestado ang 22-anyos nga lalaki sa 3 counts nga pagpanglugos atol sa gipahigayong operasyon sa mga personahe sa Surallah Municipal Police Station sa Brgy. Centrala, Surallah, South Cotabato. Si Police Lieutenant Colonel Lemuel Josef Jancon Clarete, Chief of Police sa Surallah MPS, niila sa suspek nga adunay alyas nga “Dyr”, residente sa nasangpit nga Barangay, ug nalakip sa listahan sa Top 2 Most Wanted Person (Municipal Level), ug Top 10 Provincial Level, ug Top 10 Regional Most Wanted Person. Matod ni PLtCol Clarete, nasikop ang suspek sa operasyon sa kapulisan pinaagi sa Warrant of Arrest sa kasong 3 Counts of Rape nga walay girekomendar nga piyansa.