Andam na ang security cluster sa GenSan nga gipangunahan sa GenSan City Police Office (GSCPO) sa pagpatuman sa seguridad sa ika-45 katuig nga pyesta sa Sr. Sto. Niño De Bula sa Barangay Bula.
Matud ni Police Major Ian Bagot, hepe sa Bula Police Station gibana-banaang naa sa 600 ka pulis ang gipakatag sa lugar.
Ang mga personahe ang gikan sa mga presinto sa kapulisan sa GenSan, city ug regional headquarters. Dugang ni Bagot, han-ay na ang ilang deployment usa kaadlaw bag-o ang mismong kapyestahan. Asa gilaoman sa kapulisan ang pagdagsa sa liboan ka mga bisita ug deboto sa Sr. Sto Niño.
Sa bahin ni Col. Galileo Goyena, commander sa Joint Task Force- GenSan, nagsugod na sila sa ilang deployment sa lugar.
Nakigtinabangay usab sila sa Philippine Coast Guard (PCG) ug PNP-Maritime sa paghatag og seguridad sa Sarangani bay alang sa fluvial procession. (Fred Degala)