GENERAL SANTOS CITY – GIKUMPERMA sa bag-ong labaw sa komitiba sa transportasyon nga nakasabutan sa ulahing panagtigum sa Motorized Tricycle Franchising and Regulatory Board kon MTFRB nga ablihan na ang renewal sa prangkisa. Sumala kay Kagawad Richard Atendido nga ang tanang may expired nga franchise mamahimo na nga mag apply sa Public Safety Office kon PSO.
Unahon daw ang renewal sa kapin ug kulang unom ka libo nga prangkisa ayha isunod ang mga aplikasyon sa mga colorum nga tricycle operators,dili pa usab sigurado ang ihap sa idugang nga prangkisa.
Duha ka tuig sumala pa ang ilang ihatag nga moratorium ug sa saktong sukod sa sidecar ug nagsugod na kini kaniadtong Nobyembre 10 sa kasamtangan nga tuig.
Samtang gustong maniguro sa Pangulo sa Nagkakaisang Yellow Plate Tricycle Drivers and Operators kon tinuod nga aprubado na ang bag-ong guidelines sa franchise ayha sumala pa hingpit nga malipay sa kalamboan. (Jun Abelo)